قصيدة الرجال - بوحمد الشمري ( صوت)

هذي قصيده للشاعر بوحمد الشمري باسم ( الرجال )

وقصه هالقصيده واضحه فالقصيده انه واحد كان ربيعه وخويي يمه وبلاخر تكبر عنه
اخليكم مع القصيده احسن

(الرجال)

يقولون الرجال افعال , وانا اقول الرجال رجـال . . . . اذا شـح الفـعـل مـنـه تـزيـنـه صـادق الـكـلـمـه
و اذا كـان الشـعـر وزن(ن) بنعزف للشعر مـوال . . . . و اذا كـان الشـعـر مبدا سـمـعوا هـذي الـحـكمه
رجــال(ن) دون فزعتها مثـل ليل(ن) بدون هلال . . . . و رجــــال(ن) تنسى خـالقها حرام بحقها النعمه
و انـا شـفـت الرجـال اللـي تحرك بالرجوله جبال . . . . و شفت اللي يشابههم و يمشي رافع(ن) خـشـمـه
انـا عـشـت الثـوانـي اللـي تـمـيـز فـزعة الابطـال . . . . ونفـخـة صدر مـن يمشي يظن رجولته بحجمه
تـمـيز كل رجل نخوة على ارجح و اصح الاقوال . . . . و يبينه قـولـه الراجـح و يـقـدّر الـغـير و يحشمه
و يـرفع راسـه بـدينـه، و بعـقـلـه تضرب الامثال . . . . و اسمه للـعـدا يـرعـب و يفـرَح كل محب باسمه
لـفـعـل الخير لـه هـمـه و يـكـثـر صـالـح الاعمال . . . . و يجزم في امـور الحـق و يهد الزور في جزمه
عزيـز(ن) ما ارتضى ذل و عمره ما غدا محتـال . . . . شريـف(ن) عفته و صبره صفاته و فوقهـا عزمه
اذا قـالـت لـه الدنـيـــا تـقرب زورنـي بـالـحــــال . . . . يردها بصوت و يقـلهـا مـتغري ذا الاسـد عظمه
عـلـى عـهـده يـتـم ثـابـت و مـا يهز الوفي زلزال . . . . و لا يـتـراجـع بـقـولـه و يـرد الـبـاطـل بـحـزمـه
و انـا يــا سـامعي اشكي بدمع(ن) ذارف هـمـال . . . . علـى واحـد مـن اخـوانــي تـوحــد دمـي و دمــه
سـكـنـا فـي قـبـر واحـد و تقـاسمنـا وفـيـر المـال . . . . و عاش احلامه في حلمي وعشت احلامي في حلمه
و بـنـيـنـا لـلاخـوه قـصـر لا يـهـدم ولا يـنـزال . . . . و تـقـاسـمـنـا عـنـا كـل يـوم و عدلنا بالعنا القسمه
اشــيــل الـهـم عن صدره و همي في لقاه ينشال . . . . و يـبـدل هـمـي بـفـرحـه و ابـدل بـالـفـرح هـمـه
انـا اقـرب مـن الـشـريـان و دمـي فـي قليبه سال . . . . و اذا يـنـشـد بـنـا الـفـزعـة يـحـصـلـنـي قـبـل عمه
نصلي بصف فالمسجد و نلبس بالسجن الاغـلال . . . . و اذا سـمـعـه احـد كـلـمـه ارده بـثـنـعـش لـكـمـه
واذا ضـاقـت بـنـا الـدنـيـا نـنـاقـش بيننا الاحـوال . . . . و اذا زادت بـنـا النـعـمه نـوزع بـيـنـنـا الـنـعـمـه
نـسـافـر و الـوفـا مـركـب مـا يـغرق بريح شمال . . . . و لا يـهـدمـه مـوج الـبـحـر و كيف الموج بيهدمه
كـنـت كـلـمـا اشـوفـه يـوم اقـلـه قـيـمـة الـرجـال . . . . تـمـيـزهـا بـلحظات(ن) تـثـمـن الـزيـن و تـقـيـمـه
و فـالدنيا محطات(ن) و مـراحل و البشر رحال . . . . و فيهـا تكشف الصاحـب مـن اللي ماخذ(ن) رسمه
و أنـا ادري بـأن الـناس فيها الضعف و الاهمال . . . . و مـا أحـاسب خــوي(ن) قـال كلمه فـاقـد حـلـمـه
و لـكـن للـرجال اقـوال مـا اصـدّق بـهـا تـنـقـال . . . . تـبـيـن حـقـد فـي قـلـبـه و تـكـشـف سـر يـكـتـتـمـه
و يـفـضـح غـيـظه بلحظه و قناعه بلحظة ينزال . . . . و مـن بـعـد الـشـمـوس اللـي ضـواها تاتي العتمه
و تـغـيـر و الـبشـر تـسال علامه صاحبك مختال . . . . عــلامه فـيـنـا مـتـغـيـر و لا كـنـك خــوي يـمـه
و اجـاوبـهـم و انـا بـحـسـره و قلبي من ألمهم قال . . . . طـلـع اصـلـك يـا ابـن اوى و مـالـك بـالاسد ذمه
و كـشـفـت اللي سترناهن و فاضت طغوتك شلال . . . . و مـا مـن سـد يـحـكـمـهـا و مـالـك فـالبشر رحمه
يـظـنـون الـرجـال انـذال و انـا مـاظـنـهـم برجال . . . . اذا كــان الـنـذل رجـال فـكـل رجـولـتـه تـذمـه
أنـا بـسـتـره بـعـبـايـه و لا يـلـبـس بـشت و عقال . . . . و بـسـتـر عـورة اخـلاقه و بغطي بالشِّعر جسمه
اذا طـول ظـلام الـلـيـل مـسيـره لـيـلـهم يـنـزال . . . . واذا خافوا شعاع الشمس وضاعو في دجى الظلمه

وهذي بصوت الشاعر

الرجال - بوحمد

وسواااااااااالم

رااائعه

و اصعب شي صد الصديق عن صديقه ..

يعطيك العافيه يا اخووي هزاع

و صح لساان الشااعر بو حمد

بكل الوود

همس

تسلمييييين اختي همس على المرووور

صدقتي والله اصعب شي يوم تلاقي الصد من ربيعك

ربي يحفظج ويبارك فيج

» سؤاال - بوحمد الشمري
» انا والموت - للشاعر بوحمد الشمري
» مطولة بوحمد الشمري ( ساااري الليل )
» انا جنديل - للشاعر علي بن حمد الشمري
» يطول غيابكم عنا - بوحمد -