يطول غيابكم عنا - بوحمد -

السلام عليكم والرحمه

اليوم يبت لكم قصيده لشاعرنا علي بن حمد الشمري - بوحمد - بعنوان يطول غيابكم عنا

اخليكم مع القصيده

يطول غيابكم عنا وتسائلني دواويني . . . عن الغايب عسى يرجع وعساه يحل بدياري

وصوت الشعر يطربني ونغماته تواسيني . . . ويسألني عن غيابك وأقله يحفظه الباري

بوسط البر في ليله على ربوه تنسيني . . . هموم الكون وطعوني تذكرتك وأنا ساري

تذكرتك وذكراكم مثل نسمه تخليني . . . أخط أبيات تشعل بي لهيب الشوق وأشعاري

ونار الشعر تشعلني ودمع العين تطفيني . . . أنا يا غايب عني قصيدي بالحزن ناري

تجوع العين بغيابك وأبي تطعم مساكيني . . . ولولاكم خمد شعري وجفّت رنّة أوتاري

بكم أحيي قوافيها وهي بالوزن تحييني . . . وأنا أكتب بها ذكرى وهي فالناس تذكاري

قصايد تنسج احساسي مثل ثوبٍ يواريني . . . عن أحزاني وآلامي وترسم صحوة أفكاري

قصايد تروي الضامي ومثل الضامي ترويني . . . قصايد تمسح دموعي وتفتح للفرح طاري

قصايد خالده سارت على نهجي وقوانيني . . . قصايد فوق أكفاني تبين شدة إصراري

هزمني الحزن في لحظه وأشجاني تناديني . . . تذكرتك وأنا أدري وأضنك مثلنا داري

بأنك تفهم أشعاري وفي فهمك تلاقيني . . . وأنك تحزن لحزني إذا دمعي غدا جاري

تناديكم دواويني وترسم من تلاويني . . . طيور الخير تحمل لك سلام طار من داري

سلامٍ تنسج أبياته ليالي العمر وسنيني . . . سلامٍ فاق بيبانك ولا حدوه بأسواري

سلامٍ طار في بري وتعدى كل مياديني . . . سلامٍ حام في قصرك كما طيرٍ وأشجاري

سلامي يا بعد حيي وسيد كل مزاييني . . . سلامي يشع من قلبٍ غزا بالشوق أقطاري

سلامي فدوتك روحي وكم مزيون يفديني . . . سلامي يعل ديرتكم سحابه يهل بأمطاري

غيابك عننا طول وودي لو توافيني . . . ولا ضني بكم بعتوا قليبٍ بالهوى شاري

وسواااالم

ترقبو قصيده الهنوف الي تكون من شي وخمسين بيت
تحملوها عاد
هههه

فمان الله

تحياتي
اخوكم

هــــ الامارات ـزاع

تسلم اخوي هزاع
وصح لسانة شاعرنا على هل قصيد الحلووووووووووو
منوة قال ما بنتحمل القصيدة اكيد بنتحملها
ترا قصيد بو حمد ما ينمل منه

وانت عاد يا هزاع لاتحرمنا من هل قصيد الغاوي

تحياتي

عاشقة مجنون

صح بدنج يالعاااااشقة
ربي يسلمج يالغلا

خلاص ما طلبتي شي

استني علي شوي وبتلاقين مب بس قصيدة الهنوف بتلاقين الهنوف وظلام الليل و حلم لندن و الجن و كيف انساك ... وقصاايد وااايده

لا تحاتين بوافيكم كل فتره وفتره بقصيده من قصايده وبشوف اذا عنده قصايد يديده لني من زمان ما خذيت من عنده قصايد

ربي يحفظج يالغلا ويوفقج فدنياج واخرتج

صح لسااااااان المبدع دائماً بو حمد

صراحه قصااايده ما عليها اي كلام ..

ما شااااء الله عليييييييييه

يعطيك العافيه يا اخووي هزاع

و ننتظر الجديد بفاارغ الصبر ^^

بكل الوود

همس

صح بدنج اختي همس

ومشكووره على ردج الفناااان

وان شاء الله بحط لكم كثر ما اقدر من قصايده

والسمووحه منكم

» الهنوف - للشاعر بوحمد
» سؤاال - بوحمد الشمري
» قصيدة الرجال - بوحمد الشمري ( صوت)
» انا والموت - للشاعر بوحمد الشمري
» مطولة بوحمد الشمري ( ساااري الليل )