°• اسلــــوب الخــــداع •°

°• اسلــــوب الخــــداع •°

الحِيَل والغدر واسلـوب الخـداع
شمس لكن في سمـاك مضيّعـه

كيف تصغي وانت عكس الاستماع
مـا قـول الحـق وإلاّ اسمعـه

موقفي ثابت على راس الشّجـاع
كل شهـمٍ مـا تغيَّـر موضعـه

بس احذر في مسيرك لاندفـاع
لغـرور وكيـف قلبـك يقنعـه

لو تطير ولـو تحـاول لارتفـاع
لك ظهرت وفي جهاتك الاربعه !

الفيافي جِرد وِطْـوال وِوْسـاع
السـراب اللـي تشوفـه اتبعـه

في ظلام الليـل دوّر لـك متـاع
شوف قلبك فـي الغـرام ومتّعـه

تحسب ان الناس تِشْرى ثـم تبـاع
كم حاسد فيـك يلقـى مطمعـه

وانطباعي عنك نفـس الانطبـاع
انته انتـه لـو تحـط الأقنعـه

والليالـي لا تطيـع ولا تـطـاع
وعزّتـي للـي زمانـي طـوّعـه

للشاعر الإماراتي :: الشيخ هزاع بن سلطان آل نهيان

مشكورة فديتج عصى العيوز على هذا النقل الغاوي

وصح لسانة الشاعر
تقبلي مروري

صح لسااااانه الشاااعر وتسلمين اختي على هالنقل

الله يعطييج العاافيه وما تحرمينا من مواضيعج المميزه دوم

مشكووووورين على المرور الطيب