كرسي الاعتراف (1) مع ......!!

السلام عليكم و رحمه الله وبركاته

شخباركم اخواني / اخواتي ؟

عساكم بخير

قبل كم يوم نزلت موضوع

كرسي الاعتراف

و كل الاراء اتفقت ع ان يكوون

هزاع الامارات

/

/

حياك الله اخووي هزاع الامارات في كرسي الاعتراف

و ما اووصيكم عاد

هالله هالله بالاسئله السنعه

بكل الووود

همس

انا جيت و معاي اوول الاسئله

عمرك ؟

أحب مكان لقلبك تجلس فيه لوحدك؟

أقرب إنسان لك ؟

تخصصك بالجامعه؟

جدولك اليومي ؟

اجمل عباره عندك ؟!

ترتيبك بين اسرتك ؟

لونك المفضل ؟

احب هواية لقلبك ؟

ايش سلبياتك وايجابياتك ؟

أهم شئ في حياتك ...... ؟

مـااصعب موقف مر عليك ..؟ وكيف كان تصرفك فيه ..؟

من هـو قدوتك بالحياه .... ؟

ماذا تفضل الصداقه القويه ام الحب ..؟

/وش تعنيلك الكلمات الآتيه

الحب , الامل , الأم , البحر

كم سنه لك في النت ............. ؟

كيف تتخيل حياتك بدون نت؟

اكثر شي يضايقك بالمنتدى ؟

سبب اختيارك للنك نيم ؟

مـا أكثر المواضيع الـتي تجذبك للمشاركه فيهـا ؟

انا جيت و معاي اوول الاسئله

يا مرحبا بكم كلكم

عمرك ؟

عمري 19

أحب مكان لقلبك تجلس فيه لوحدك؟

البر ومحد يكون ويااااي

أقرب إنسان لك ؟

اممممممم
انا من صغري ما عندي انسان قريب مني كل القرب
لكن الحينه الحمدلله شي وااااحد وكل يوم يقرب اكثر عن اليوم الي قبله

تخصصك بالجامعه؟

بزنس اند كواليتي منيجمنت <<< للمتحثين باللغه العربيه اداره اعمال وجوده شامله
لا تسألوني شوه الجوده الشامله لني بروحي ما اعرفها

جدولك اليومي ؟

رقاااد ,, نت ,, رقااد

اجمل عباره عندك ؟!

هم عبارتين

اذا الشعب يوما اراد الحياه . . . فلابد ان يستجيب للقدر
سنضل نحفر فالجدار .. اما فتحنا فتحه للنور .. او متنا على وجه هذا الجدار

ترتيبك بين اسرتك ؟

الوسط
يعني الثالث

لونك المفضل ؟

انا افضل الالوان الغاامقه اكثر
اللون الازرق الغامق واحيانا الاحمر

احب هواية لقلبك ؟

السباااحه وكره القدم

ايش سلبياتك وايجابياتك ؟

سلبياتي
اني اثق فكل شخص اعرفه وو اني واايد مشدد فالوقت وفكل شي
وبعض الناس يقولون هذي ايجابيات لكن انا اشوفها سلبيات

ايجابياتي
امممممممم
ما اعرف ما احب امدح نفسي اسألو عني الي يعرفوني

أهم شئ في حياتك ...... ؟

الالتزام بالوقت

والحب الصادق

مـااصعب موقف مر عليك ..؟ وكيف كان تصرفك فيه ..؟

اصعب موقف مر علي
ما اذكر بالضبط والله شوه كان
بس يمكن يوم استوى لي حادث ويا ربيعي بسب السرعه الزايده وما خبرت الوالد
هههههه
فاضي مشاكل

من هـو قدوتك بالحياه .... ؟

ربيعي واخوي بوحمد

ماذا تفضل الصداقه القويه ام الحب ..؟

الصداقه احيانا تكون اسمى عن الحب
عشان جيه
انا افضل الاثنينه

/وش تعنيلك الكلمات الآتيه

الحب , الامل , الأم , البحر

الحب : روحين بجسد واحد
الامل: قارب النجاه الذي لا تملكه سفن بعض الناس
الام: العطاء والحنان الي لا ينتضر رد الجميل
البحر: الصعوبه والقسوه ( الحياه)

كم سنه لك في النت ............. ؟

انا لي رسميا فالنت من سنه تقريبا بس من قبل ادخل فاليوم خمس دقايق <<< حاسبها تروه خخخخخخ

كيف تتخيل حياتك بدون نت؟

ملل ,, كل يوم برا البيت ههههه

اكثر شي يضايقك بالمنتدى ؟

للحين ما شفت شي يضاايقني

سبب اختيارك للنك نيم ؟

لني اعجبت بشخصيه هزاع بن سلطان والي هو صدق هزاع الامارات

مـا أكثر المواضيع الـتي تجذبك للمشاركه فيهـا ؟

الي تتكلم عن المشاعر .. وبشكل عام الي موجوده فالحوار العام
ومواضيع الشعر
والي ترفه عن النفس ,, الضحك والسوااالف

والسوووحه عى القصوووور

اتريا البااااااقي

الله بالخير

اول شي شحالك ؟.

بسأل اسأله عن المدرسة كرسي الاعتراف (1) مع ......!! 003

شو احلى سنه دراسية عندك ؟

احسن مدرسة درست فيها ؟

اسهل ماده كانت عندك ؟

اصعب ماده كانت عندك ؟

قد يبت دويحة ؟؟ وفي اي صف ؟؟

اكره مدرس مرت عليك شنو كان يدرس ؟

خلصنا من المدرسة ..........

اماكن تحب تروح لها ؟

اكثر مطعم تاكل منه ؟؟؟

اكره مطعم عندك ؟؟؟

شنو المنتخب الي اتشجعه ؟؟

النادي الاماراتي الي اتشجعه ؟؟ و نادي الاوربي الي اتشجعه ؟؟

دام نك نيمك هزاع الامارات اممممممم
في مرة شفت هزاع بالصدق؟؟ <<< مب بالتلفزيون

شو لون الي تكرهه ؟

شوة نوع تلفونك الي عندك حاليا؟؟

شوة رايك فيني كعضوة ؟؟

حياك الله اخووووي هزاع

اقتباس :

هههههههههههههههههههه

صراااااحه يوم قريت كلامك

متت من الضحك

اووونك ما تعرف ايش يعني جووده شامله خخخخ

مشكووور ع الحضووور و صراحتك

و انتظر الجزء الثاني من الاسئله

Razz

موووفق خيووو

بكل الووود

همس

عشوووقه

اهلين فيك يا عسل

و مشكوورة ع الحضوور

ننتظر اخونا هزاع عشان يجاوب ع الاسئله

بكل الوود

همس

الله بالخير

الله بالحي

اول شي شحالك ؟.

بخير دام هل المنتدى كلهم بخير وعافيه

بسأل اسأله عن المدرسة كرسي الاعتراف (1) مع ......!! 003

اووكي تفضلي

شو احلى سنه دراسية عندك ؟

احلى سنه ثاني ثنوي وثالث ثنوي لنه كنا نلعوز فيها الاساتذه وايد

احسن مدرسة درست فيها ؟

انا مسكين ما درست فمدارس وايد بس كل سنتين فمدرسه
هههههههههه
احلا شي اخر مدرسه اسمها الخليج العربي
لنها كانت توها يديده اول طلاب يدرسون فيها نحن << بقصد اول طلاب يخربوها ههههههه

اسهل ماده كانت عندك ؟

اسهل ماده كانت عندي الكيميا

اصعب ماده كانت عندك ؟

مادتين مب ماده التاريخ والجغرافيا

قد يبت دويحة ؟؟ وفي اي صف ؟؟

لا الحمدلله فدييتني من صغري درجاتي زيينه

اكره مدرس مرت عليك شنو كان يدرس ؟

اكره مدرس كان استاذ تاريخ صف تاسع ملقبينه رادار ... خلوف العمودي يذكره هههههه

خلصنا من المدرسة ..........

هييه هييه هييه

اماكن تحب تروح لها ؟

اماكن احبها اي مكان محد فيه غيرنا انا وربعي

اكثر مطعم تاكل منه ؟؟؟

جريف للمندي << يعطيها بالعشره ههههه

اكره مطعم عندك ؟؟؟

مب مطعم لني ما اتضارب وياهم كفتريا اسمه اي سي ميلانو ... العمودي يذكره

شنو المنتخب الي اتشجعه ؟؟

منتخب فرنسا

النادي الاماراتي الي اتشجعه ؟؟ و نادي الاوربي الي اتشجعه ؟؟

انا وحداوي ... واشجع بعد برشلونه

دام نك نيمك هزاع الامارات اممممممم
في مرة شفت هزاع بالصدق؟؟ <<< مب بالتلفزيون

انا ما شفته هو شخصيا بس شفت المرافق ماله دوم فمسيدنا وشفت سياراته
لنه كان ساكن ففندق يمنا
عنده همر احمر عليه عاكس ومرسيدس عليه ارقام العين ثنائي

شو لون الي تكرهه ؟

الاصفر ولا تسألوني ليش لني بروحي ما ادري بس جيه بينا ثار

شوة نوع تلفونك الي عندك حاليا؟؟

عندي ثنينه نوكيا وسوني اركسون الاول استخدمه والثاني فارنه ما ادري وين فالبيت

شوة رايك فيني كعضوة ؟؟

اممممممممم
ميه الميه ولا فراخ الجمعيه
هههههههه

والسموووحه منكم

الله يسهل من الاسئله اليااايه

شكلك كنت شقي في المدرسة وتحب تخرب وايد

ههههههههههههههههههههههههههههههههه

قص علية اونة ولا مرة يايب دويحه ها
خخخخخخخ

المهم

تسلم عل الصراحة اخوي وتريا الدفعة الثانية

تسلمين فديتج اختي همس

وربي يحفظج

اذا كنت في ضيق لمن تلجأ ؟؟ ( والله لا يجيب لك ضيق يارب )

اغلى هدية تلقيتيها .؟ ومن مين ؟

اصعب كلمة ممكن تأثر فيك ؟

لمن تقول هالكلمات ومتى تقولها ..

اسف ، مستحيل ارجع ، احبك ، انت كل الدنيا

" الحب يقوده الجنون "
هل تؤمن بهذه المقوله ..؟؟ و لماذا ؟؟

ماهو مفهوم الصداقة بالنسبة لك ؟

ماهي ايجابيات و سلبيات الانترنت التي أثرت عليك ..؟

كل انسان وله أمنيات وأمال .. يا ريت تخبرنا عن الحلم اللي يراودك أو بالأحرى

الأمنية اللي تتمناها ... ؟

من هو الشخص الذي يشد انتباهك في المنتدى ؟

طبقك المفضل ؟

لونك المفضل ؟

افضل بيت شعر يعجبك ؟

اجمل قصة قرأتيها ؟

شاعرك المفضل ؟

هههههههههههههههههههه

اخووي هزاع

شكلك كنت شقي و مشاااغب بالمدرسه

و عاد شكلكم صج انتوو اللي خربتووا المدرسه

مشكووور ع التوواجد

و مشكووورة عشوووقه ع التوواصل

بكل الووود

همس

اذا كنت في ضيق لمن تلجأ ؟؟ ( والله لا يجيب لك ضيق يارب )

اول شي احاول اكتم فنفسي ما قدرت, اشكي لشخص واذا ما كان موجود ربعي المقربين وهم اثنينه

اغلى هدية تلقيتيها .؟ ومن مين ؟

اغلى هديه هي من رب العالمين يوم ياب لي نااس غااااليين

اصعب كلمة ممكن تأثر فيك ؟

الفرااااااق,, فراق اي شخص خاصه اذا كان غالي

لمن تقول هالكلمات ومتى تقولها ..

اسف ، مستحيل ارجع ، احبك ، انت كل الدنيا

اسف: لأي شخص غلطت عليه سواء كنت اعرف ولا لا
مستحيل ارجع: للغلطات الي غلطها بعمري كله
احبك : لشخص غلي عطاني عمره وروحه كله
انت كل الدنيا: لنفس الشخص

" الحب يقوده الجنون "
هل تؤمن بهذه المقوله ..؟؟ و لماذا ؟؟

هيه اؤمن بهذي المقوله

لنه يوم الواحد يحب يصير الفرق بينه بين المينون انه هو يهم وايد اشيا والمينون لا

ماهو مفهوم الصداقة بالنسبة لك ؟

وقت الشدااائد تضهر الصداقه

ماهي ايجابيات و سلبيات الانترنت التي أثرت عليك ..؟

الايجابيات تعلمت اشيا وايده ... ثقافه عامه

والسلبيات وايد من الاشيا صرت اهملهن مثل الرياضه وجيه

كل انسان وله أمنيات وأمال .. يا ريت تخبرنا عن الحلم اللي يراودك أو بالأحرى

الأمنية اللي تتمناها ... ؟

اني ابني نفسي بنفسي واصير للي ابااه بيديني بعد التوفيق من رب العالمين

من هو الشخص الذي يشد انتباهك في المنتدى ؟

انا <<< مب خقااااق ابد هههههههههههه

طبقك المفضل ؟

وش ذا الطبق قولي الاكله مب الطبق
ههههههههههه
بيتزاااااا

لونك المفضل ؟

ماشي لون محدد بس الألوان الغامقه

افضل بيت شعر يعجبك ؟

انا لو تنظر بعيني بتعرف من معالمها . . . وبتحكيلك عن الماضي ومجد الفارس الغابر
تصيح الجن بوجودي وجودي الخير يطعمها . . . وخيلي في ارض امه تحط لخيلها مقابر

اجمل قصة قرأتيها ؟
كنه مب لي هذا السؤال؟؟؟؟

وايد قصص ما اذكر من زمان

شاعرك المفضل ؟
بو حمد الشمري

والسموحه عالقصور

عاشقه ,, همس

انا ابد ما كنت مشاغب ههههههه

اكيد نحن منوه غيرنا محد درس فيها الا نحن هههههههه

مشكورين على الاسئله الي تلعوز الواحد بس يله براويكم يوم يي دووووركم
ههههههههههه

اول شي اسئلة عن طفولتك

شوة اسم صديق الطفولة ؟
شوة الشي الي انحرمت منة وانت طفل؟
من الي كنت تحبة اكثر شي في طفولتك امك ولا ابوك ؟؟والسبب؟؟
شخص كنت تخاف منة وانت صغير ؟؟ السبب؟؟
المكان الي كنت تختباء فية يوم تكون خايف ؟؟
شوافضع شي سويت وانت صغير وكنت خايف انة ينكشف؟؟

خلصنا من الطفوالة الحين بنسئلك عن الشخصية :

تــؤمن بــآآلحب من الصــغر ؟!!
ما هو تصنيفك لـ نفسك ؟ هل أنت : ( عصبي - هادىء - خجول - جريء - مرح - جاد ) ؟؟
ومشروبك المفضل؟
ممكن توصف لنا شخصيتك بـ 5 كلمات

والدفعة الثالثة في الطريق بس لاني مستعجلة

اول شي اسئلة عن طفولتك

ههههه
ذكريتيني ههههههه

شوة اسم صديق الطفولة ؟

صالح
شوة الشي الي انحرمت منة وانت طفل؟

من اشيا وااايده ... اشيا الحمدلله اني انحرمت منها
من الي كنت تحبة اكثر شي في طفولتك امك ولا ابوك ؟؟والسبب؟؟

اممممممممممم ... تبون تسون مشاكل؟؟؟ هههههه
والله كنت احبهم الاثنينه نفس الشي ما اذكر اني كنت افضل حد على حد
لنهم كل واحد اسلوبه شكل
شخص كنت تخاف منة وانت صغير ؟؟ السبب؟؟

الي كنت اخاف منه عمي
لنه دوم كان ييب لي حيوانات صغيره وانا اخاااف منها هههههههههه
المكان الي كنت تختباء فية يوم تكون خايف ؟؟

اممممممممممم سييييدا عند امي وراها هههههههههههههههه
شوافضع شي سويت وانت صغير وكنت خايف انة ينكشف؟؟

اممممممممممممم
كثييييييره يوه بذكر لو بذكر بس كلهم انكشفووو ههههههههه

خلصنا من الطفوالة الحين بنسئلك عن الشخصية :

حلو الحين كبرنا شويه
هههههههههههههههههههههههه

تــؤمن بــآآلحب من الصــغر ؟!!

اممممممممممممم
يعني من بديت افهم الدنيا
ما هو تصنيفك لـ نفسك ؟ هل أنت : ( عصبي - هادىء - خجول - جريء - مرح - جاد ) ؟؟

انا عصبي وخجول واحيانا اكون مرح عالاااخر واحياانا جاااااااااااد

مدري كيف انتو افهموها
هههههههههههههههههههه
ومشروبك المفضل؟

امممممممممممممممم
ديو وكندا دراي اسود
ممكن توصف لنا شخصيتك بـ 5 كلمات

اممممممممممممممممم
هادي بس اذا في شي غلط اتحول وحش كاسر هههه
مرح يوم اكون راااايق ويوم اكون عادي جاد
اسوي جدول لكل شي اسويه من قبل بوقت بس اذا اخترب اكنسل الجدول كله << اونه عصب ههههههه
ناس يحسون اني خقاق ما ادري ليش مع اني عادي مب خقاق ههههههه
وووبس

والدفعة الثالثة في الطريق بس لاني مستعجلة

يا ويييلي انا رحنا فيها
وين مستعيله يالسين والله

يلا السمووحه منكم

اقتباس :

مشكورين على الاسئله الي تلعوز الواحد بس يله براويكم يوم يي دووووركم

من الحين انا يووم يجي دووري بقدم ع اجازة خخخخخخ

مشكووور اخووي هزاع ع رحابه صدرك

و ما قصرت والله

يلا عشوووووقه عطيه من هالاسئله السنعه

هههههههههههه

افا عليييكم والله كله سواالف بس بتشوفون <<<< خخخخخخخخخخخخخخخخخخخ

هههههههه
الله يعيييييييين

يااارب استر

لازم أجاوب على كل شي اوكية

أول شي ::::

بسم الله الرحمن الرحيم

السلام عليكم ورحمة الله وبركاته

شحالك؟؟

شخبارك؟؟

أسمك الصجي:...........

عمرك:...........

تاريخ ميلادك:........

الحالة الإجتماعية :
أ)متزوج
ب)خاطب
ج)عازب

وين ساكن بضبط؟؟

شوه تخصصك في الكلية ؟؟

كم خوانك كلهم ؟؟

وانت رقمك كم من بينهم ؟؟
.............>رايحة تخطبينه شوه
والباقي لاحقاًً

لازم أجاوب على كل شي اوكية

اووووك

أول شي ::::

بسم الله الرحمن الرحيم

وبه نستعين

السلام عليكم ورحمة الله وبركاته

وعليكم السلام والرحمه والبركه

شحالك؟؟

بخير وسهاله , شحالكم انتم

شخبارك؟؟

والله بخير دام هل المنتدى بخير

أسمك الصجي:...........

هزاع بن عبدالعزيز بن حسين بن عبدالله العبدلي

عمرك:...........
عمري 19 سنه << يعني بيكون 19 درهم خخخخ

تاريخ ميلادك:........
27\1\1989

الحالة الإجتماعية :
أ)متزوج
ب)خاطب
ج)عازب

ما يصير اختارهم كلهم؟

عازب

وين ساكن بضبط؟؟

ساكن فالشارجه فبحيره خالد ورى فندق ملينيوم

شوه تخصصك في الكلية ؟؟

بزنس اند كولتي منيجمنت = ادارة اعمال وجودة شامله
ولحد يسألني شوه الجودة الشامله لني بروحي ما اعرفها

كم خوانك كلهم ؟؟

عندي اخ وثلاث خوات

وانت رقمك كم من بينهم ؟؟

الثالث , يعني الوسط
بنت وولد وعقب انا وعقب بنتين

.............>رايحة تخطبينه شوه

هههههههههههههه

والباقي لاحقاًً

ربي يستر

مع السلاااامه

نتريا المحقق الي عقبج

ما شاااء الله البنات ما قصروووا

طيب انا بسااال

اكثر موقف طريف مر عليك ؟؟

مدري عاد اذا ساالت هالسؤاال قبل كذاا ولا لا خخخخ

متى كانت اخر سفره لك ؟ و وين ؟

ايش الشي اللي ودك تغيره في شخصيتك ؟

تقوول انك تحب البر كثير
طيب اذكر لنا موقف صاار لك و ما تنساه ابدا ؟؟

ما اكثر شي يحرجك ؟ و ما اكثر شي يضحك ؟

ما هي اكثر هوايه تحبها و تمارسها دون تردد ؟

لو فزت بتذكره سفر .. الى وين تتمنى تكون ؟ و ليش ؟

ما شاااء الله البنات ما قصروووا

هيه ما عليج خليه بيي دورهن

طيب انا بسااال

اوك اتفضلي

اكثر موقف طريف مر عليك ؟؟

امممممممممم

مدري عاد اذا ساالت هالسؤاال قبل كذاا ولا لا خخخخ

مره واحد من الشباب الله يستر عليه
كان يبا يلبس نظارة ابوه ويباني اشوف كيف شكله
وراح وحط النظاره وانا نبهته ان عينه بتعوره ,, فراح حط النظاره عشان اشوف عينه بس كان حاط صبعه بين عينه والنظاره عشان ما تعوره

وانا مت من الضحك خلااااااص بمووووووووووت
قلت له يالغبي كيف اشوف عينك
هههههههههههههههههههههههههههههههههههههههه
العمودي يعرفه عدللللللللللللل

وشي مواقف صارت لي ويا العمودي وواحد منهن يوم قال لي قتلتهااااااااااااا
هههههههههههههههههههه

متى كانت اخر سفره لك ؟ و وين ؟

اممممممممم
من تقريبا خمس سنين
كانت لليمن والديار الخالده

ايش الشي اللي ودك تغيره في شخصيتك ؟

امممممممممممممم
احيانا اعصب وايد وعلى اي شي وان شاء الله اغيره

تقوول انك تحب البر كثير
طيب اذكر لنا موقف صاار لك و ما تنساه ابدا ؟؟

الصيف الي طاف كنا فالبر انا والشباب وكنا نشوي لحم
وكنا نشوي قدام السياره عشان نشوف من ليتات السياره
وعقب ما خلصنا وكلينا وكل شي
ركبنا السياره ومشيناها شوي الا ونسمع صوت
نزلنا وشفنا الفحم كله داخل المشوى تحت تانكي البترول
يعني كانت بتنفجر فينا السياره
ومره وحده تمينا ندز السياره لنها كانت مغرزه فوق الفحم ويله يله شفنا المشوى وسحبته بعييد عن السياره والحمدلله
بس صدق صدق هالموقف وقف قلوبنا كللللنا

ما اكثر شي يحرجك ؟ و ما اكثر شي يضحك ؟

اكثر شي يحرجني يوم يدق التلفون فالمسيد خخخخخخ

واكثر شي يضحكني يو اكون ويا الربع وواحد منهم يسوي شي غبييييييييييي
ههههههههههههههههههههه

ما هي اكثر هوايه تحبها و تمارسها دون تردد ؟

اممممممممممممممم
النت

لو فزت بتذكره سفر .. الى وين تتمنى تكون ؟ و ليش ؟

والله خاااطري ارووح لجزيره فاااضيه بس اكون فيها لوحدي
عشان ابعد عن هالعالم

يلا اتريا الاسئله

المحقيقان ب.ع
(بيبي فيس .عاشقة مجنون)

أيها المتهم هزاع بن عبدالعزيز بن حسين بن عبدالله العبدلي
ماهية رودوك الأسألة الموجهة إليك من قوبيلنا

شوه أحلى غنية عندك من أغاني عيضة؟(ب)
ما هو اللقب الذي ينديك به أصدقاءك؟(ع)
من متى انت و العمودي أصدقاء؟وشو الي يجمعكم ؟!!(ب)
لمنوه تهدي هالمقاطع:ع)

أحبك لو بعيد الدار عنك*** جداك يحن قلبي للرجوعي
أبعد وخليني مافيني يكفيني ***حل عن سماي ورح مالك شغل فيني
وين انت يلي كل ما قلت وين انت *** حتى السؤال يقول وين الاجابه؟!!
ويلي منك ياويلي و انت من الله ياويلك *** تسهرني لأخر ليلي و تنام من اول ليلك

هههههههه اونه< << المحققان سوجي و كونن
ترا بعدها التحقيق جاري و انت ممنوع من السفر خارج البلاد إلى اجل غير مسمى
خخخخخخخخخخ

المحقيقان ب.ع
(بيبي فيس .عاشقة مجنون)

هههههههههههههههههههههههههههههههههههههههههههههههه
حلوه حركت المحقيقان ( اول مره اعرف انه محققان تنكتب جيه)

أيها المتهم هزاع بن عبدالعزيز بن حسين بن عبدالله العبدلي
ماهية رودوك الأسألة الموجهة إليك من قوبيلنا

اكيد بتكون ردود صادقه ( قابلوني اذا قلت لكم شي صح)

شوه أحلى غنية عندك من أغاني عيضة؟(ب)

اممممممممم
لبيك

ما هو اللقب الذي ينديك به أصدقاءك؟(ع)

امممممممم الحينه ماشي
بس قبل ايام الدراسه جيري لني كنت اقصر واحد فالصف
وكان محد يروم يمسكني يوم نلعب ... والله اياااااااااام <<< ملعوزهم هههههههه

من متى انت و العمودي أصدقاء؟وشو الي يجمعكم ؟!!(ب)

تقريبا من خمس سنين
يجمعنا كل شي ايام مرت علينا في شدة مني عليها السلام < قام يغني

يعني كل شي حلو ومر مر علينا

لمنوه تهدي هالمقاطع:ع)

أحبك لو بعيد الدار عنك*** جداك يحن قلبي للرجوعي

لنااااس غاااالين وااااايد اغلا من العين

أبعد وخليني مافيني يكفيني ***حل عن سماي ورح مالك شغل فيني

محد احينه فبالي بس لكل حد طفر بي وقهرني

وين انت يلي كل ما قلت وين انت *** حتى السؤال يقول وين الاجابه؟!!

لقلبي الي خذااه الغالي ولا ادري وينه

ويلي منك ياويلي و انت من الله ياويلك *** تسهرني لأخر ليلي و تنام من اول ليلك

احيانا شخص فبالي اهديه هالمقطع

هههههههه اونه< << المحققان سوجي و كونن
ترا بعدها التحقيق جاري و انت ممنوع من السفر خارج البلاد إلى اجل غير مسمى
خخخخخخخخخخ

هههههههههههههههه
لالالالا لا بساااافر ابا اروووح الجزيييييييييييره

الله يعييين من التحقيق الياااااي

هههههههههههههههههههههه

حليلة بيتوهق خخخخخخخ

فأي قرار تتخذه هل ..... تحكم عقلك أم قلبك فيه ... ؟؟ ومن الأسبق فالتحكيم

قلبك أم عقلك ؟؟؟؟؟؟؟؟
ما رأيك بهذه الكلمات ..
الخيانة ..
المرأه..
الصداقة ..
النميمة ..
النفاق ..
ما هو تعريفك للمجنون؟؟

العاقل؟؟

المتكبر؟؟

المتواضع؟؟
هل انت راض عن نفسك ..؟؟
وما هي المجالات التي تتمنى ان تأخذها منهاجا في حياتك ؟؟
ماهي اجمل اللحظات في حياتك ؟
ايش بتسوي لو انك ماشي في الشارع و شفت رجل قزم و شكله يفطس من الضحك(استغفر الله) بس انت ابتسمت ، وجاء يقولك يا اخي لييش تبتسم ؟ تقوله السبب و لا ( لا )؟
لو اتيحت الفرصة لك لزيارة الرؤساء التالية اسمااءهم ...وقيل لك ان تقول لكل واحد فيهم جملة ...مختلفة عن جملة الرئيس الآخر ..ما

هي جملتك لكل واحد فيهم ..
علي عبد الله صالح
حسني مبارك
ياسر عرفات
معمر القذافي
الشيخ زايد
جورج دبليو بوش
اعطني صبراً اجالد به صخر ماهو الموقف الذي كنت تحتاج الى صبر فيه؟؟
يقول برواينغ افتحوا قلبي وستجدون به ايطاليا فمن في قلب هزاع (شخص وليس مدينه)؟؟
ماهو مثلك الاعلى في الحياة ؟؟
كلمه سمعتها ودايما على بالك ولاتقدر تنساها ؟

بس خلاص شكلي مصختها وايد انا شكلي ما بحط اسئلة خلاص عصرت مخي ما شي بيطلع بعدة
ههههههههههههههههه

الله يعينا عليك هزاع اخاف تنتقم منا بعدين من الاسئلة

هههههههههههههههههههههه

حليلة بيتوهق خخخخخخخ

بس بيتوهق؟؟؟؟؟!!!!!!!

فأي قرار تتخذه هل ..... تحكم عقلك أم قلبك فيه ... ؟؟ ومن الأسبق فالتحكيم

قلبك أم عقلك ؟؟؟؟؟؟؟؟

احيانا قلبي واحيانا عقلي
بس القلب يسبق داائما
ما رأيك بهذه الكلمات ..
الخيانة .. الله يبعدنا عنها ويكفينا شرها
المرأه.. مخلوقه من ضلع الرجل
الصداقة .. تعرف قيمتها فالشداااائد
النميمة ..الاختبار الذي يفشل فيه الكثيرون
النفاق .. تعيش بوجهين ,, وتموت بدون وجه
ما هو تعريفك للمجنون؟؟

انسان فالشقا وينعم بجنونه

العاقل؟؟

انسان فالنعيم ويشقى بعقله

المتكبر؟؟

انسان كالذي فوق جبل كبييير
يرى الناس صغار ,,, ويرونه صغييييييير

المتواضع؟؟

انسان يفرض احترامه وحبه في قلوب الناس
هل انت راض عن نفسك ..؟؟

الحمدلله
وما هي المجالات التي تتمنى ان تأخذها منهاجا في حياتك ؟؟

هذا ما فهمته اشرحي لي ياه اكثر
ماهي اجمل اللحظات في حياتك ؟

يوم اللقااء
بس للحين ما عشتها
ايش بتسوي لو انك ماشي في الشارع و شفت رجل قزم و شكله يفطس من الضحك(استغفر الله) بس انت ابتسمت ، وجاء يقولك يا اخي لييش تبتسم ؟ تقوله السبب و لا ( لا )؟

الحين بسألج انتي تمصخرتي عليه وقلتي استغفر الله يعني خلاص عادي؟؟؟ ههههههه
اقول له تذكرت نكته وابتسمت
او اقول له شبهتك بواحد من ربعي وابتسمت لك
لو اتيحت الفرصة لك لزيارة الرؤساء التالية اسمااءهم ...وقيل لك ان تقول لكل واحد فيهم جملة ...مختلفة عن جملة الرئيس الآخر ..ما

هي جملتك لكل واحد فيهم ..
علي عبد الله صالح

على قدر اهل العزم تأتي العزائم ... وتأتي على قدر الكرام المكارم

حسني مبارك

شرات الي قبله

ياسر عرفات

مكاافح ومناااضل ,,, واحفاادك باعو الي مت عشانه

معمر القذافي

عيبتني يوم طلعت بيان القمه قبل لا يقولوه الرؤساء بيوم <<< هههه طلع فضايحهم بس يقرون من ورق

الشيخ زايد ( الله يرحمه)

حمل شعبه على كتفه الا ان . . . تباكو له بأطراف الصحاري
سقى الله ضحكتك يا بوخليفه . . . فمازلت اعذب الأحباب طاري

جورج دبليو بوش

الله يستر من الي عقبك اذا تمينا على هالحال
اعطني صبراً اجالد به صخر ماهو الموقف الذي كنت تحتاج الى صبر فيه؟؟

موقفي هذا من اسئلتج
هههههههههههههههههههههههههههههههه
يقول برواينغ افتحوا قلبي وستجدون به ايطاليا فمن في قلب هزاع (شخص وليس مدينه)؟؟

شوه من نوع هذا بروينغ؟؟؟ نوع من الماركات؟؟

امممممممممم
لزم اقول؟؟؟
ليش الاحراااااج يعني
الله يحفظه الي بقلبي انتو شوه يخصكم
اهم شي هو يعرف انه بقلبي وبس
ماهو مثلك الاعلى في الحياة ؟؟

كما تدين تدااااان
كلمه سمعتها ودايما على بالك ولاتقدر تنساها ؟

اسمي <<<< هههههههههههههه

بس خلاص شكلي مصختها وايد انا شكلي ما بحط اسئلة خلاص عصرت مخي ما شي بيطلع بعدة
ههههههههههههههههه

تقص عليكم والله نقلتهن والله هي قالت لي انها نقلتهن ما كتبتهن

لالالالا ابد بس احمرّ المؤشر عاااااااااادي

الله يعينا عليك هزاع اخاف تنتقم منا بعدين من الاسئلة

لا ما بنتقم
بس صدق صدق صدق الاسئله مدري من وين يبتيهن كنج مدرس الرياضيات الي فالثنويه

» كرسي الاعتراف
» الاسبوع الثاني من كرسي الاعتراف مع .....
» قوانين كرسي الإعتراف