الهنوف - للشاعر بوحمد

السلام عليكم والرحمه والبركه

اليوم يبت لكم كما وعدتكم المره الي طافت اني بحط لكم قصيدة الهنوف

هذي القصيده قصتها واقعيه وعاشها شاعرنا بوحمد وكتبها

اخليكم مع القصيده

(الهنوف)

يبوني أوصف بشعري هنوف تسلب الانظار . . . واكتب كل ابياتي بجميل(ن) شافته عيوني

ولكن للشعر نظره تجاوز نظرة الابصار . . . وقلب العاشق الشاعر بحب الطيف مجنوني

جمال الروح يسلبني وحبيبي صادني بخمار . . . ولا شفته ولكني اضنه يطيب اضنوني

احبه دون هالامه ولي جنه وغيره نار . . . واشوف الكون بعيونه واشوفه بالعشق كوني

تداوي شوفة جروحي وتشفيلي الم ما صار . . . ولجله اقهر العالم واجن الجن لو جوني

هزمت الخوف في حبه وخاطرت بأشد الاخطار . . . وشديت العزم صوبه ولو قالو يموتوني

انا اعشق نجم بازغ سحابه جايده بأمطار . . . وانا لا راكب طيشي ولا مختال بجنوني

أنا فارس ولي عزه ولو دهري تعدى ودار . . . وانا اللي بالحيا عايش وباسم الموت نادوني

انا شيخ العرب ياللي تسوق الموت ليل نهار . . . وانا جدي على نحره كتب قوموا تحدوني

وانا شاعر نبع شعري يمشي بالفلا انهار . . . واضحك الناس بافراحي وابكي الناس بشجوني

انا خيطت لي ثوب بيجمع جملة الاسرار . . . وبيحوي كل ما فيني وفي جسمي ومضموني

ونسجته من خيوط الشعر وخطته بآلة الاصرار . . . ولونته بالواني وطيف الشمس هو لوني

شراعي مرتحل دايم وعودته على الابحار . . . وما لي فالبشر مرسى وانا المفقود عدوني

انا غايب وانا حاظر وطيري يبتعد لو طار . . . وقلبي طار في برّك وتحداهم يصيدوني

انا قلبي مثل حر(ن) يخاوي بالسما الاحرار . . . ولا يرضى يرد خايب ويخليهم يلوموني

ولا هاب الألم مره وتعلم لعبة الصقار . . . تحابيه الرجال اللي بخافيهم يعادوني

يحابونه لانه قلب يزلزل امة لو ثار . . . لانه قلب متحجر اذا حبو يثوروني

ولكن لو يحبونه لك المخلص يكون ستار . . . ويدري كل من جرب يعيش العز بحصوني

انا يامن اناديها واسمعها حكم واشعار . . . طرقت ابواب قلعتكم ولا اضنكم تردوني

وانا ماني بضعيف سار يبغي فزعة الأخيار . . . انا سايق معي جيش جدا الأمجاد قادوني

طرقت ابوابكم طالب اشوفك يا ملاك الدار . . . ولما شفت بسماتك تشافت حرقة طعوني

ورميت السيف من كفي وصرفت الفيلق الجرار . . . وقلت الحين لو ودكم وهو ودّي تاسروني

وسلمت الأمر بيدك واضنك بالأمر محتار . . . ولكن اردت جيرتكم ولا بصمت تحيروني

يقولون الزمن فرق ودارة دورة الأقدار . . . وانا شفت الزمن جمع ولا اضنكم تهدوني

أسامح قلب من حبني إذا بحقي تعدى وجار . . . ولكن يامن عيونه بسهم الحب صادوني

ترى ان شالتك خيلي وجالت بالفخر اقطار . . . بترفعك بمجد عزها وخيل المجد عزوني

وعزوني اذا رجعت جيوشي رجعة المنهار . . . بدونك خبت في عمري واضنك خبت من دوني

اسهر بالحزن امه واسهر بالفرح سمار . . . وقصة حبي لك حكمه ولو بالموت حكموني

انا مت بثلاث ايام رابعها بايدك صار . . . ويمكن هذي المره بتكريمك يدفنوني

انا سلمت لك روحي وهي ملك العلي الجبار . . . ويا تاضر يدفنوني أو بقربك يكرموني

واسرجنا لكم خيل(ن) وعزفنا بالعرب مزمار . . . يسمع القاصي والداني ويبي منهم يسمعوني

بغينا اللي بهو يامر الهي الواحد الغفار . . . وننشد يالعرب راي(ن) وشور(ن) به تنصحوني

انا فارس ولي شده وتدري بالشباب اصرار . . . وانا شاعر ولي حكمه ومن شعري يقدروني

وانا لي بالعلم باع(ن) واخبر الطاير السيّار . . . رزقني الله بلسانٍ فصيح يبوح ويصوني

سألناكم يهل حبي عسى يوصل سلام الجار . . . وابيكم بالفرح دايم وبالبشره تمدوني

انا فالبر لي قصر ولي قبر ولي أنصار . . . وحتى الجن لو تبغي تحت أمرك ينصروني

سهرت أيام في حضرة طيوف الموت والجزار . . . وكم مرة أصارعهم وبطعون(ن) يجازوني

وسرنا نلتقي اختامه وهو عنا تعدى وسار . . . وكم مرة شفت قومي بدمعات(ن) يودعوني

أنا جيت البلاد اللي بها أهلك وناس كثار . . . سبيلين فحمى دارك يسيروني ويوجهوني

سبيل(ن) فيه لقياكم ويا ليتك لهو تختار . . . ودرب(ن) فيه نتفرق ومن بعده يعدموني

وانا قادم لكم واحمل نصل سيفي وغصن أشجار . . . لاني بغرسه بأرضك, عسى أحفادك يذكروني

يقولون بزمان اللي ظهر به فارس مغوار . . . يشد خيوله في عصر(ن) يعيش الخيل محزوني

يعيش الخيل محبوس بحبال(ن) ضيقة وأسوار . . . طلع فارس من الماضي بحب فلانه مرهوني

تحدى كل من قالوا بتلقى بحبها أضرار . . . وبيسقونك من الشدة ولا اضنهم بيسقوني

وطرق أبوابه الفارس وتلحف بالكفن واختار . . . يواجه كل هالعالم ولو بالموت كادوني

وردد كل طفل منهم اسم فارس على التكرار . . . واضنه بو حمد ياللي على اسمه يسموني

شريت الموت في بعدك وفي قربك هزمت أشرار . . . ولا شفت الحياه دونك سوى ناس(ن) يخذلوني

تحديت البشر فيكم ولغيت لخافقي الأعذار . . . وهزمت الكون في حبك وهزمت اللي تحدوني

أحبك ... كيف ما أحبك؟... تعلمني أدب الأبرار . . . تذكرني بمجد ماضي وكل الناس نسوني

أحبك وأنت تذهلني وأنا اللي أذهل الأقمار . . . أحبك وأنت تسمعني وكل الناس اسمعوني

أحبك وانته الفارس ترافقني على المضمار . . . أحبك وانته الشاعر تسد بشعرك ديوني

أحبك طال في عمرك إلهي ما نهى الأعمار . . . أحبك صرت مجنونك ومثلي صرت مجنوني

أنا شعري على نحري يدون للعرب تذكار . . . ومثلي قيس أو عنتر وفي حبهم يشبهوني

أشوف الليل من دونك مثل صفحة بلا أحبار . . . وأكتب من حبر حبك حروف(ن) فيك واسوني

أنا يا مطول الفرقا أطالع صورتك بكبار . . . لأنك مالك فؤادي وغيرك ما يملكوني

وسووااااااالم

والسموحه على الاطاااله

اخوكم

هــــ الامارات ـزاع

الله يسااامحكم طلبتو مني وهذي النتيجه؟؟؟

شوفو القانون السااادس حق هذا القسم

((6- الرجا من جميع الأعضاء المشاركة في الرد على المواضيع المطروحة ـ وان نتذكر أن كاتبها قد عانى الكثير لكي يخرجها لنا بصورة لائقة. ))

بس اباكم تقرون القوانين

تسلم اخوي على القصيدة الرائعة

ويسلم الشاعر

والسموحة طولنا وايد عليك

وانا قلت لك يوم بيكون لي وقت بقراها

واليوم فضيت نفسي لك وقريتها من اولها الاخرها

والسموحة تقبلل مروري

تسلمين عشوقه على مرورج

و من جديد اقف امام رائعه من روائع المبدع بوحمد

صح لسااااااااااااااااااااانه شاعرنا

و تسلم اخوووي هزااااااع

بكل الووود

همس

صح بدننننكم

تسلموووون كلللللكم على مروووركم والله

ربي يحفظكم ويبارك فيكم

» انا والموت - للشاعر بوحمد الشمري
» انا جنديل - للشاعر علي بن حمد الشمري
» يطول غيابكم عنا - بوحمد -
» سؤاال - بوحمد الشمري
» قصيدة الرجال - بوحمد الشمري ( صوت)